Kapamilya Overload!

Nais nila Eli at Jackie na bumukod ng tirahan. Nagpaalam si Jackie sa kanyang mga magulang. Walang naging problema sa ina nito kaya lang pagdating kay Fidel ay medyo nahirapan siyang kumbinsihin ito. Ngunit sa bandang huli, hindi man bukal sa kalooban, ay pinagbigyan ni Fidel ang hiling ng anak na bumukod.


Samantala, isang hindi inaasahang bisita ang pumunta sa spa nila JB at Celine. Ang amo ni JB na si Vanessa. Aliw na aliw naman si Corazon kay Vanessa dahil good conversationalist daw.

Ramdam ang tensyon sa pagitan nila Vanessa at Celine, na minsang nakaroon ng eksena sa bar kung saan nakita ni Celine na nilalandi diumano ni Vanessa si JB. Ngunit naa-out of place man si Celine ay nakakagawa naman siya ng paraan upang makapagpasaring ng hindi magandang pananalita.
Pati na rin si Onay ay umeksena dahil inis siya dito kay Vanessa.