Kapamilya Overload!

Read the transcript of episode 80 of "Iisa Pa Lamang" courtesy of Pinoy TV Junkie.

- Nagmumukmok parin si Rafael sa may hagdanan nang kanilang bahay at kausap sya ni Toby. Sabi ni Toby na kung nasaan man daw ngayon si Catherine sigurado daw sya na nasa mabuti itong kalagayan. Inaalala naman ni Rafael na paano kung hindi? Alam naman ni Toby na survivor si Catherine, at kung ano man ang pinagdadaanan nito ngayon ay alam nyang lumalaban ito. Nagtataka naman si Rafael na kung dinukot si Catherine, bakit walang lead ang kanyang investigators, bakit hanggang ngayon ay walang ransom at paano daw kung hindi dinukot si Catherine? At paano kung hindi ito mahanap dahil ayaw nitong magpahanap, dahil tuluyan na syang iniwan? Sa sobrang bigat nang kalooban ay nagpasya nalang umakyat si Rafael at iniwan si Toby.



- Si Miguel naman ay nasa bahay nila Catherine at malalim ang iniisip sa may garden. Pinuntahan sya ni Sofia at hinawakan nang marahan sa likod. Sumenyas lang si Miguel na ok lang sya at pumasok na si Sofia sa loob nang bahay. Nang mapag-isa, naalala ni Miguel nung mga bata palang sila ni Catherine hanggang sa paglaki at muli nilang pagkikita. Napapangiti si Miguel habang inaalala ang mga iyon. Naalala din nya ang kanilang first love-making; ang mga panahong masaya sila.

- Si Rafael naman ay sobrang lungkot at nag-aalala kay Catherine. Naalala din nya nung mga bata palang sila ni Catherine, parati syang nakaalalay dito; hanggang sa paglaki ay iyon parin ang ginagawa nya kay Catherine. Naalala din nya ang kanilang first love-making. At ang huli ay nang makuha nya ang letter na nagsasabing hindi na magpapakasal si Catherine sa kanya.

- Si Miguel naman ay naiyak nang maalala ang una nilang pagkikita ni Catherine after nitong mawala nang matagal. Sinabi ni Catherine na kinulong sya at kung ano-anong gamot ang ibinigay sa kanya; at nung mga panahon na iyon ay hindi sya naniwala kay Catherine. Naalala din nya ang huli nilang pag-uusap tungkol doon (nung tinakas nya si Catherine); doon lang na-realize ni Miguel na nung una palang ay sinabi na sa kanya ni Catherine ang katotohanan.

- Pumunta si Miguel sa bahay nila Rafael. Sinabi ni Miguel na parang nangyari na din ang incident na iyon sa kanila ni Catherine; nung mga panahong akala nila ay nagtanan si Catherine, iyon pala ay pinadampot sya ni Isadora at kinulong sa basement nang ospital. Si Rafael naman ay tinatanong kay Miguel na ang ibig sabihin ba nya ay nakakulong somewhere si Catherine at si Isadora ang may kagagawan nang iyon? Sabi naman ni Miguel na alam nyang imposible pero…biglang naisip ni Rafael na hindi imposible, at kung buhay si Isadora ay dahil wala naman silang nakitang bangkay at hindi nila hinukay ang kumunoy, maaaring magkasama sila ni Vernon. Tinanong ni Rafael kung alam ni Miguel kung nasaan ang kanyang ama. Sagot ni Miguel ay hindi, at hindi nya pinagtatakpan ang kanyang ama dahil ayaw nyang masaktan si Catherine. At kung nasa kanya (Vernon) daw si Catherine, sa tingin ba daw ni Rafael ay pro-protektahan pa ba nya (Miguel) ang kanyang ama, sya daw mismo ang makakalaban nito.

- Umuwi naman si Miguel sa bahay ni Scarlet, nasa kwarto sila at natutulog na si Maggie. Nagpasalamat si Scarlet dahil sa pag-stay doon ni Miguel, feeling nya ay safe sila dahil nandoon si Miguel. Sabi naman ni Miguel na ok lang iyon at gusto nyang masiguro na safe sila nang mga bata. Hinimas ni Scarlet ang tiyan at natawa sya dahil sumipa. Hinipo din ni Miguel ang tiyan ni Scarlet at naramdaman ang pagsipa nang baby. Sinabi ni Miguel na siguro daw ay lalake iyon dahil malakas sumipa, sabi naman ni Scarlet ay magmamana iyon kay Miguel dahil malakas sumipa. Natawa lang sila pareho. Biglang sumeryoso ang mukha ni Scarlet at gusto maiyak. Sinabi nya kay Miguel na magkakaanak na ulit sila ni Miguel. Pinutol agad ni Miguel ang susunod pang sasabihin sana ni Scarlet. Sumagot naman si Scarlet na alam na nya at wala na syang sasabihin, hindi na rin sya aasa na babalikan pa sya ni Miguel. Hihilingin lang daw nya kay Miguel na sana ay huwag syang kamuhian. Napabuntong-hininga si Miguel at sinabing mabuting tao si Scarlet at ina sya nang mga anak nya, and he will always be grateful for that. Habang buhay daw syang magiging bahagi nang buhay nila Scarlet. Hinawakan ni Miguel ang kamay ni Scarlet and they both smiled to each other. Biglang nag-ring ang cellphone ni Miguel at si Sofia ang tumawag. Merong takot sa tono ni Sofia at sinasabi na merong taong nakatayo sa labas nang kanilang bahay at parang kanina pa ito nakatayo, tinitingnan ang bahay. Nag-alala si Miguel at inutusan si Sofia na i-lock ang mga pinto, harangan nang furnitures, at hintayin daw sya. Pagbaba nang phone ay tinanong ni Scarlet kay Miguel kung ano ang nangyari. Sinabi ni Miguel na si Sofia ang tumawag, sinabi na may tao daw sa labas nang kanilang bahay at kinakabahan daw sya, kailangan nyang puntahan sila. Hindi naman nagdalawang-isip si Scarlet at pinayagan nya agad umalis si Miguel dahil baka kung ano ang mangyari sa kapatid nito. Nagpaalam at umalis na din agad si Miguel.

- Natutulog na si Scarlet pero bigla itong nagising dahil may narinig syang ingay sa loob nang bahay, parang may nahulog na bagay at nabasag ito. Nagsuot agad sya nang robe at kinuha ang baril sa ilalim nang kanyang unan, tinawagan agad si Miguel habang pababa nang living room. Pagbaba ni Scarlet ay walang tao sa living room, pero hindi nya ma-contact si Miguel. Habang nakatalikod si Scarlet ay lumabas na si Isadora sa pinagtataguan. Takot na takot si Scarlet at hindi pa nya alam na nasa likuran na nya si Isadora habang kino-contact si Miguel. Pagtalikod ni Scarlet ay ginulat sya ni Isadora. Tinutok agad ni Scarlet ang baril kay Isadora. Tumawa lang si Isadora at sinabing bakit ganon daw agad ang welcome sa kanya ni Scarlet. Sumagot naman si Scarlet at sinabing sino daw ang nagsabing welcome si Isadora sa bahay nya? Kung sa impierno daw pumunta si Isadora, doon ay welcome sya at may standing ovation pa. Tumawa ulit si Isadora na parang demonyo at sinabi kay Scarlet na namiss nya ang matabil na dila ni Scarlet, parehong-pareho daw sila ni Catherine na puros satsat. Nahulaan ni Scarlet na kay Isadora si Catherine. Nakatutok parin ang baril ni Scarlet kay Isadora pero may takot ito, kaya tinatakot at ginugulat sya ni Isadora. Sinabi ni Isadora na kung namimiss ni Scarlet si Catherine ay huwag daw itong mag-alala dahil malapit na silang magkita. Kung gusto daw ni Scarlet ay pagtatabihin pa daw nya silang dalawa, pagtatabihin ang kanilang burol. Tumawa ulit si Isadora na parang demonyo. Nakita ni Scarlet na bubunot nang baril si Isadora kaya hindi na sya nagdalawang-isip na barilin si Isadora. Tinamaan si Isadora malapit sa dibdib. Bumagsak si Isadora at gulat na gulat si Scarlet, nabitiwan nya ang kanyang baril at nailapag sa may couch. Tinawagan agad ni Scarlet si Miguel. Nasagot naman agad ni Miguel ang tawag ni Scarlet at sinabing pauwi na sya dahil false alarm ang kina Sofia. Umiiyak si Scarlet at pinauuwi na agad si Miguel. Nag-alala si Miguel dahil umiiyak si Scarlet, tinanong kung ano ang nangyari. Sinabi ni Scarlet na nandoon ang mommy ni Miguel at pinagtangkaan sya nito. Gumalaw si Isadora at pilit na kinukuha ang baril. Tinatanong ni Miguel kung ok lang si Scarlet. Umiiyak at hinihimas ni Scarlet ang tiyan nya, nagsorry kay Miguel dahil nabaril daw nya ang mommy nito, hindi daw nya alam kung paano nya nagawa iyon dahil biglaan ang mga nangyari, natatakot si Scarlet dahil baka napatay daw nya ito. Sorry nang sorry si Scarlet kay Miguel. Naputol ang kanilang pag-uusap. Si Isadora naman ay bumangon at ginulat muli si Scarlet. Naiiyak sa takot si Scarlet.

Isadora: (panting) Ano? Nagulat ka na naman no? Huwag kang mag-alala, ha? Kayo, ang labo-labo nyong dalawa ni Catherine. Nung una sya, iniwan ako sa kumunoy. Tapos ikaw, binaril mo naman ako. Talaga bang hindi nyo ako gusto, ha? Bakit hindi nyo ako gusto? Ah, huwag ka nang mag-alala, hindi pa ako zombie at hindi ko pa rin binebenta ang kaluluwa ko sa demonyo.

Scarlet: (crying and so scared) Paano nangyari iyon? (Isadora removed her jacket and revealed what’s under her shirt – a bullet proof vest.)

Isadora: O tingnan mo ito Scarlet! Hahahaha! Ang utak-utak ko talaga! Wise investment diba? I bet, wala ka nito. Wala ka no? Too bad…O, ako naman ha? (Isadora took out her gun.) Ako naman! (Scarlet is so scared and pleads to Isadora.)

Scarlet: Please Isadora, huwag…(holding her tummy.)

Isadora: Ako naaa! Ako na!

Scarlet: Huwag Isadora, please maawa ka, meron akong anak….huhuhu…

Isadora: Huwag kang mag-alala, akong magpapalaki kay Maggie. Palalakihin ko sya na nalulunod sa pera. Hahaha!

Scarlet: Isadora yung baby ko, huhuhu…

Isadora: WALA AKONG PAKIELAM SA BASTARDO NYONG ANAK NI RAFAEL!

Scarlet: Kay Miguel ito…

Isadora: Ano? ANONG SINABI MO? HA?! TALAGA BANG NAGMANA KA NA KAY CATHERINE, HA? PATI ANG PAGSISINUNGALING NYO, MATCH NA MATCH!

Scarlet: (crying and so scared) Isadora, hindi. Maniwala ka sa akin, nagsasabi ako nang totoo. Anak ito ni Miguel! (Suddenly, Miguel arrived and shielded Scarlet.)

Miguel: (scared) Ma, huwag!

Isadora: (crying and still pointing the gun) Tumabi ka dyan!

Miguel: Huwag!

Isadora: Tumabi ka dyan! Papatayin ko na yang traydor na yan! Tumabi ka dyan Miguel!! TABI!

Miguel: Ma, maniwala ka, buntis si Scarlet sa anak ko. Ibigay mo sa akin ang baril na yan.

Isadora: Hindi! Hindi, ayokong makulong! Ang tanga-tanga mo talaga! Naniniwala ka sa mga babaeng yan! Hindi! (Miguel is trying to reach out for the gun.)

Miguel: Ma, hindi mo ako kayang saktan. Ibigay mo sa akin ang baril na yan!

Isadora: Tumabi ka dyan! TABI!

Miguel: Ibigay mo sa akin! Ma…parang awa mo na. Ma, ibigay mo sa akin ang baril!! (Isadora grabbed a vase and threw it on the floor to make some distraction. She immediately scaped. Miguel was not able to follow Isadora because of Scarlet’s condition; he attented to her first.)

Teasers:

- Pumunta si Miguel kay Rafael at kinuwento ang nangyari. Sabi naman ni Rafael na ngayong may proof na buhay si Isadora, pwede na itong hanapin nang mga pulis. Nag-aalala naman si Miguel dahil sa laki nang Pilipinas, saan nila ito hahanapin?

- Si Scarlet naman ay kinausap si Marco, gusto nyang iligtas nito si Catherine at bibigyan nya nang 20M si Marco para sa ulo ni Isadora. Nakipag-deal si Marco. (Hindi ko alam kung dahil lang sa damit ni Scarlet kung kaya parang hindi kita na buntis sya dito, o baka dahil nakalimutan nilang ilagay ang unan sa tiyan ni Angelica. – Ara)

- Naisip ni Marco na lalabas sa lungga si Isadora pag nalaman nyang nanganganib ang buhay nang pinakamamahal nya.

- Tinawagan na ni Marco si Isadora. Nung una ay hindi ito natatakot kay Marco, pero nung sabihin ni Marco na hawak nya ang anak ni Isadora, nakaramdaman ito nang takot. Pumayag si Isadora na i-trade si Catherine kapalit nang anak nya.

- Sumugod sila Rafael at Sofia sa ospital. Nakita nila na umiiyak si Miguel. Kinamusta ni Rafael ang kalagayan ni Catherine. Umiiyak na sinabi ni Miguel na malala ang tama nang baril ni Catherine. Nanlumo si Rafael.

- Nag flat line si Catherine.