Kapamilya Overload!

Read the transcript of episode 81 of "Iisa Pa Lamang" courtesy of Pinoy TV Junkie.

- Pagbalik ni Isadora sa kanilang hideout, inis na inis sya dahil hindi na sya makakapaghiganti kay Scarlet (dahil nalaman nyang anak ni Miguel ang bata sa tiyan nito.) Sabi naman sa kanya ni Vernon na huwag na daw kasing ituloy ang plano nya at umalis nalang sila dahil masyado na silang mainit doon, nalaman din nya sa isa nyang kasamahan na hinahanap sya ni Marco, at si Isadora naman ay pinaghahanap nang mga pulis dahil may nakakitang buhay sya. Pinapaasikaso na ni Isadora kay Vernon ang kanilang pagtakas bago pa maubos ang kanilang pera. Tinanong naman ni Vernon kung paano si Catherine, sabi ni Isadora na pwede pa nilang gamiting insurance si Catherine at pag naayos na ang kanilang pagtakas, pwede na nila itong patayin.



- Kinabukasan, pumunta si Winnie sa bahay ni Scarlet. Galit na galit si Scarlet habang kinukuwento kay Winnie na pinagtangkaan sya ni Isadora at nilagay din nito sa panganib ang kanyang anak. Ibinalita naman ni Winnie na inannounce na sa public na wanted na si Isadora nang mga pulis, at hindi na daw ito magpapakita kay Scarlet. Ayaw naman ni Scarlet na ganon-ganon lang, dahil pagkatapos nang mga kasalanang ginawa sa kanila ni Isadora ay magtatago nalang ito na parang isang daga, hindi daw sya papayag. Pinagalitan naman ni Winnie si Scarlet at alam nyang hindi kaya ni Scarlet na patayin si Isadora. Sagot naman ni Scarlet na hindi nga, pero hahanap daw sya nang taong kayang gawin iyon.

- Si Miguel naman ay pumunta kina Rafael. Nag-uusap sila tungkol kay Isadora at sinabi ni Rafael na ngayon na meron nang proof na buhay si Isadora at sya rin ang primary suspect sa pagkaka-kidnap kay Catherine, pwede na daw itong hanapin nang mga pulis. Si Miguel naman ay nag-aalala dahil malaki ang Pilipinas at saan nila ito hahanapin? Tinanong ni Rafael kung kilala ba daw ni Miguel ang mga ka-negosyo o kasamahan ni Vernon. Sabi naman ni Miguel na wala daw pinakilala ang kanyang ama sa kanya kundi si Marco. Sabi naman ni Rafael na minamasdan na din daw nila si Marco at parang hinahanap din nito si Vernon. Kinamusta naman ni Rafael ang mag-ina ni Miguel, sabi naman ni Miguel na ok naman daw ang mag-ina nya, kaya lang ay traumatic ang nangyari kay Scarlet at ayaw na nyang maulit iyon. Tinanong naman ni Rafael si Sofia, baka kailangan daw nito nang bodyguard. Sabi naman ni Miguel, ngayong alam na nyang ang kanyang mommy ang kanilang kalaban, kampante sya na hindi nito sasaktan si Sofia.

- Nagpunta si Scarlet sa bahay ni Marco. Nagbiro pa si Marco dahil ang popular daw nya ngayon dahil nagsisipuntahan ang mga tao sa kanya. Tinanong sya ni Scarlet kung kilala sya ni Marco. Sagot naman ni Marco ay oo naman daw, sya daw si Scarlet Dela Rhea – maganda, separada, milyonarya. Tinanong ni Marco kung ano ang magagawa nya for Scarlet. Tinanong muna ni Scarlet si Marco kung alam nitong buhay si Isadora. Sabi naman ni Marco na alam nya, may sa pusa daw ang lintek (referring to Isadora) na iyon. Sinabi ni Scarlet na si Catherine ay hawak ngayon ni Isadora at gusto nyang iligtas ni Marco si Catherine, bibigyan daw nya ito nang 10M. Medyo natuwa si Marco, pero umangal ito dahil medyo maliit daw iyon. Biglang nagsalita si Scarlet at sinabing hindi pa daw sya tapos; bibigyan pa daw nya si Marco nang 10M para mahuli si Vernon, at bibigyan pa daw nya nang 20M para sa ulo ni Isadora. Halos from ear to ear ang ngiti ni Marco sa laki nang offer ni Scarlet sa kanya, sumagot sya kay Scarlet na magagawan nila ito nang paraan, tinanong pa nya kung paano ang gustong paraan ni Scarlet. Sinabi naman ni Scarlet na hindi na nya kailangang malaman ang detalye, basta ang importante ay walang masasaktan at pag nahuli ni Marco si Isadora ay isusuko nya ito sa mga pulis. Pumayag si Marco at nakipag-deal kay Scarlet.

- Habang naglalakad si Sofia ay may isang kotse ang sumusunod sa kanya at biglang itong pumarada. Akala naman ni Sofia ay bagong kotse iyon nang kanyang kuya. Nilapitan ni Sofia ang kotse at nagulat sya sa taong nakita sa loob nito.

- Ang mga tauhan naman ni Marco ay tuwang-tuwa sa deal ni Marco with Scarlet; nagbibilang na sila nang milyones na makukuha nila. Sabi naman ni Marco na maliit lang daw iyon dahil pang-casino lang nila sa Macau iyon, pero at least ay magiging bayani sila, at pag nagkataon ay baka maging congressman pa daw sya sa Amadesto. Naisip naman nang isang tauhan ni Marco na mahihirapan silang hanapin si Isadora dahil mukhang magaling silang magtago. Sabi naman ni Marco na gumawa sila nang paraan para si Isadora mismo ang lalabas sa lungga nito. Dagdag pa ni Marco na lalabas daw si Isadora sa lungga nya kapag nalaman nyang nanganganib ang buhay nang pinakamahalaga sa kanya; pinadudukot ni Marco ang anak ni Isadora.

- Si Sofia naman ay dinukot ni Isadora at dinala sa kanilang hideout. Nagagalit si Sofia sa kanyang ina at bakit daw sya dinala doon? Sinabi naman ni Isadora na kaya nya dinala doon si Sofia ay para protektahan sya. Nalaman daw kasi ni Vernon na hina-hunting sila ni Marco, at naniguro lang daw sya dahil pwede daw gamitin ni Marco si Sofia laban sa kanya, kaya inunahan na nya ito. Pinaghahanda na ni Isadora si Sofia dahil aalis daw sila mamayang madaling araw. Ayaw ni Sofia sumama sa ina dahil criminal daw ito at isang fugitive. Sabi naman ni Isadora na kahit kinasusuklaman sya ni Sofia ay anak parin daw nya ito at pro-protektahan daw nya. Medyo na-touched naman si Sofia at sinabi kay Isadora na she’s glad that she’s ok. Naging teary-eyed si Isadora and deep down inside ay na-touched sya sa sinabi ni Sofia, pero sinabi nalang nya na hindi sya naniniwala kay Sofia dahil pina-plastic lang daw sya nito.

Sofia: Ma, of course not. Sobra akong na-depressed nung nawala ka.

Isadora: Totoo yan? Bakit? Umiyak ka bang talaga nung akala mong nalunod ako sa kumunoy? Pakiramdam ko naman hindi. Pakiramdam ko nga…talagang hindi mo na ako mahal eh (her voice is breaking.) Tapos biruin mo ha, talagang kinampihan mo pa ang Catherine na iyon kesa sa akin. O ngayon, paano mo ako mapapaniwalang mahal mo nga ako?

Sofia: Ma, that’s not true. Mahal ko kayo, kaya lang sumosobra na kayo eh. Nandadaya kayo, nagnanakaw, pumapatay pa kayo; paano ko kayo kakampihan Ma?

Isadora: Alam mo, hanggang ngayon nagtataka ako kung sino ang nagpalaki sa iyo. Kasi iba kang mag-isip kesa sa akin eh. Ah basta, (wiped her tears) kahit ayaw mo, ngayon hindi na ako papayag na magkahiwalay tayong mag-ina.

Sofia: You can’t keep me here Ma. Unless itali mo ako, aalis ako!

Isadora: (stopped Sofia from leaving) Hindi ka aalis, dahil yung kapatid mo, itinago ko na sa kabilang kwarto. Kaya ikaw, ha, dyan ka lang, hindi ka aalis!

Sofia: (shocked) Nasa iyo si Ate Catherine?

- Si Louella naman ay tinawagan si Miguel, sobrang nag-aalala ito dahil wala pa si Sofia, kanina pa daw nya tinatawagan ang cellphone nito pero cannot be reached daw. Sabi naman Miguel na pupuntahan nya ang mga kaibigan ni Sofia. Ipinaalam din ni Louella na nakausap na nya si Jenna at sinabi nitong hindi naman pumunta doon si Sofia. Nagbilin nalang si Miguel na tawagan sya ni Louella pag may balita na ito. Pagbaba nang phone ni Miguel ay may isang van ang pumarada sa harap nya at bumaba ang mga ilang lalake, dinukot si Miguel.

- Si Sofia naman ay kumuha nang pagkakataon (dahil wala sila Isadora) at kinatok nya ang kwarto kung saan nandoon si Catherine. Tinatawag at tinatanong nya si Catherine kung ok lang ito, sinasabi din nya na buksan ni Catherine ang pintuan. (Hindi nya alam na nakatali at covered ang ulo ni Catherine.)

- Si Rafael naman ay tumawag sa presinto para sabihin na dadating ang kanyang assistant, kasama ang ilan nyang bodyguards. Pagdating ni Neil (yung assistant ni Rafael) ay sinabi agad nang pulis na nahuli na nila ang isang kasamahan ni Vernon. Tinanong ni Neil kung alam kaya nito kung saan nagtatago sila Vernon. Sabi naman nang pulis na mukhang alam nito pero ayaw kumanta. Nagtanong naman si Neil kung pwedeng sila nalang ang kumausap. Nagtaka naman ang pulis at tinanong kung bakit. Sabi naman ni Neil, since ayaw nitong kumanta ay iibahin nalang nila ang tugtugin. Pinalipat nang pulis ang kasamahan ni Vernon sa isang kwarto.

- Dumating na sila Isadora at Vernon, gusto sanang umiwas ni Sofia at puntahan ang kanyang kapatid, pero pinigilan sya ni Isadora. Sabi naman ni Vernon kay Sofia na huwag itong mag-alala dahil hindi nya sasaktan si Sofia, nag-usap na daw sila ni Isadora. Sabi naman ni Isadora na mabuti nalang daw at patay na patay parin sa kanya si Vernon dahil hindi nito sinusuway ang mga inuutos nya. Masayang sinabi ni Vernon kay Sofia na pag-alis nila doon ay isang pamilya na sila. Pinapakain na ni Isadora si Sofia, pero sabi ni Sofia na ibibigay nalang daw nya iyon sa kanyang Ate Catherine at ibigay na din daw sa kanya ni Isadora ang susi nang kwarto. Nainis naman si Isadora kay Sofia dahil sumusuway na naman ito sa kanya. Tinanong ni Sofia kung ano ang balak nila kay Catherine, pero sinabi ni Isadora na wala nang pakielam doon si Sofia at siguro naman daw ay hindi na nito gustong malaman. Biglang nag-ring ang cellphone ni Vernon, hindi nya kilala ang number na tumatawag, pero sinagot parin nya – si Marco pala ang tumawag. Nagulat si Vernon at ibababa na nya sana ang call pero sinabi ni Marco na huwag nitong ibaba at kailangan daw nyang marinig ang lahat nang sasabihin nya. Tinanong ni Vernon kung paano nakuha ni Marco ang number nya. Sinabi ni Marco na kumanta ang isa sa mga pinagkakatiwalaan ni Vernon; magaling daw magtago si Vernon, pinahirapan daw sya at padami nang padami ang mga atraso nito sa kanya. Inagaw ni Isadora ang cellphone kay Vernon at matapang na kinausap si Marco; kung inaakala daw nitong natatakot sila ay nagkakamali daw sya. Sinabi agad ni Marco kay Isadora na hawak nya ang anak nito. Hindi maniwala si Isadora at sinabi pang madami daw talagang sinungaling sa mundo. Hindi daw sya mapepeke ni Marco dahil nandoon daw sa kanya ang anak nya. Tanong naman sa kanya ni Marco, ilan ba ang anak nya? Biglang kinabahan si Isadora. Sabi pa ni Marco na daldal daw nang daldal si Isadora, hindi naman nito alam ang pinagsasabi nya. Hindi daw yung isa (si Sofia) ang tinutukoy nya, kundi yung isa pa (si Miguel.) Tinanong ni Isadora kung ano ang balak ni Marco kay Miguel. Sabi naman ni Marco na wala syang balak, pero sundin ni Isadora ang ipapagawa nya – papakawalan nya si Miguel kapalit ni Catherine.

- Sa presinto, binubugbog naman nang bodyguard ni Rafael ang kasamahan ni Vernon na nahuli nang mga pulis. Habang binubugbog, tinatanong ni Neil kung nasaan si Vernon. Dahil sa sobrang pahirap, ay nagpasya ang kasamahan ni Vernon na sabihin nalang ang kanyang pinagtataguan. Pag labas nang kwarto ay masaya si Neil na kinamayan ang pulis at nagpasalamat. Sabi naman nang pulis na basta para sa kanilang congressman ay wala iyon.

- Kinaladkad at nilabas ni Isadora si Catherine, nakasunod sa kanya si Sofia at inaalalayan ang kapatid dahil rough si Isadora dito. Sinabi ni Isadora na ibabalik nya si Catherine kay Marco. Nagtaka naman si Vernon kung ano ang kailangan ni Marco kay Catherine, clueless din si Isadora dahil hindi naman daw nya tinanong pa si Marco, ang importante daw ay mailigtas ang anak nya kapalit ni Catherine. Nag-offer naman si Vernon na sya nalang ang magdadala kay Catherine, pero hindi pumayag si Isadora dahil kabilin-bilinan daw iyon ni Marco na sya ang magdadala kay Catherine. Pinababantayan nalang ni Isadora si Sofia kay Vernon dahil baka tumakas daw, pero siguraduhin lang daw ni Vernon na huwag kakantiin si Sofia. Sabi naman ni Vernon na kaya lang daw nya ginawa iyon ay dahil hindi na ma-control ni Isadora si Sofia, pero ngayong hawak na nila ito, hindi na daw nya papatulan si Sofia. Dinala na ni Isadora si Catherine at ipinasok na naman ni Vernon si Sofia sa bahay.

- At the crack of dawn, pumunta si Isadora sa meeting place nila ni Marco, may hawak syang baril. Si Vernon naman ay dinala si Sofia sa isang abandoned school. Dumating na si Marco, sakay nang isang black van. Pag baba ni Marco ay may hawak din itong baril; nagkaharap sila ni Isadora. Tinanong agad ni Isadora kung nasaan si Miguel, pero tinanong din sya ni Marco kung nasaan naman si Catherine. Sabi ni Isadora na bago nya ibigay si Catherine kay Marco ay ibigay daw muna sa kanya ang anak nya. Sagot naman ni Marco na kilala nya si Isadora mula ulo hanggang paa, and this time ay hindi daw sya kayang ululin ni Isadora, saka nalang daw sila magkita, nagpaalam na si Marco and said “goodbye.” Pinigilan sya ni Isadora at sinabing “sandali!” Pag lingon ni Marco ay tinutukan sya nang baril ni Isadora, hindi din nagpatalo si Marco at tinutukan din nya nang baril si Isadora.

Teasers:

- Nagtatago si Vernon, hinanda ang kanyang baril.

- Dumating ang mga pulis at bodyguards ni Rafael para hulihin si Vernon.

- Magkasamang pumunta sila Sofia at Rafael sa ospital.

- Umiiyak si Miguel habang hawak ang kamay ni Catherine.

(Magulo ang sequencing nang teasers. – Ara)

- Tumatakas sila Vernon at Sofia sa gustong manghuli sa kanya.

- Umiiyak si Toby at Sofia habang isinusugod sa ospital si Catherine.

- Umiiyak si Scarlet, hawak ang kamay ni Catherine at kinakausap nya ito.