Kapamilya Overload!

Sa pagtatapos ng Maging Sino ka Man, lumitaw rin ang katotohanang hindi sinasadya ang pagkakabaril ni Mateo kay Monique. Naunang magpaputok ng baril si Fidel, at sa gulat ni Mateo ay nakalabit nito ang hawak na baril na napaturo sa direksyon ni Monique.


Hindi kinaya ni Fidel ang mga pangyayari kaya nagkaroon ito ng nervous breakdown at nanatili sa isang mental facility.
Nakalaya na rin si Mateo makalipas ang anim na buwan.
Naging mabuting tao na ang dating kontrabidang si Corazon.
Hindi man nagkatuluyan, nagkabati naman muli sina Onay ay JB.

At sina Eli at Jackie ay makapagsisimula nang makabuo ng isang pamilya sa pagbubuntis ni Jackie.

Huwag nang bibitiw dahil malapit na ang wakas ng teleseryeng ito. Maraming rebelasyon ang inyong matutunghayan tulad ng kung sino talaga ang pumatay kay Monique, kung magkakatuluyang muli sina Jackie at Eli, kung makakalaya na si Mateo, at kung magkakatuluyan sina Onay at JB.


Sa kagustuhan ni Corazon na mapalapit ng husto ang kalooban ni JB kay Onay, pinayuhan ni Corazon si Onay na kung gusto nitong mabihag ang puso ni JB ay kailangang kumilos siya katulad ni Celine, dahil si Celine lamang ang talagang gusto ni JB. Pinagbihis ni Corazon si Onay ng seksing kasuotan katulad ng mga sinusuot ni Celine, pero hindi ito umubra kay JB. Sa katunayan ay nagalit pa ito.


Gusto namang ipabuksang muli ni Mateo ang kaso dahil sa kanyang mga napapanaginipan. Naalala niya na nang gabing mamatay si Monique ay natatandaan niyang may isa pang tao silang kasama.
Samantala isang misteryosong text naman ang natanggap ni Jackie at gusto itong makausap. Pinapapunta siya sa isang lugar upang doon magkita.

Nababagabag si Fidel sa mga nangyayari sa kanyang pamilya. Naiisip ni Fidel na sinisingil na siya. Sinabi naman ni Jackie na walang dapat singilin.


Nararamdaman na ni Lena na malapit na siyang mawala sa mundo, kaya naman bago pa mahuli ang lahat ay nais niyang makausap ng magkasama sina Jackie at Eli.


Kinabukasan, nagpahatid si Lena sa may tulay, kung saan ayon sa kanya, doon siya susunduin at magkikita ni Joaquin.

Dahil natunton na ni Eli si Jackie at ang inuuwian nitong bahay kubo, sinubukan niyang dalawin ito. Ngunit ang inabutan niya sa bahay ay ang ama nito na si Fidel, at nang makita siya ni Fidel ay agad siyang pinaalis.


Tuwang tuwa naman si Corazon nang muling bumalik si Onay sa kanilang opisina. May isa siyang pabor na hiningi kay Onay...

...at ito ay ang maging "yaya" ni JB. Nagulat man si JB nang makita si Onay sa bahay, natuwa naman ito dahil muling bumalik ang dalaga. Pinipigil naman ni Onay ang kiligin.


Samantala, muling nagkita-kita sina Veron, Fidel at Jackie. At sa muling pagkakataon ay nakita nila si Lena, sa isang nakakalungkot na kalagayan.

Pinanuod ni Onay ang video CD na ipinadala sa kanya. Isa pala itong video recording ni Celine noong nabubuhay pa ito. Ang buod ng video ay ipinapa-alaga ni Celine si JB sa kay Onay.


Sa hindi inaasahang pagkakataon, kahit na lumayo na si Jackie, muli na naman silang magkikita ni Eli.

Isang salu-salo ang inihanda nila Corazon at Eli para kay Mateo na nagdiriwang ng kaarawan sa loob ng kulungan. Kumanta pa sa videoke si Corazon at idinedicate ang kanta para kay Mateo.


Natutuwa man si Mateo kay Corazon dahil inaalagaan nito ang negosyo, dahil sa kasalukuyan nilang kalagayan ay nahihiya si Mateo, kaya naman binibigyan niya ng kalayaan si Corazon upang kahit papaano ay lumigaya naman siya, dahil hindi sigurado ni Mateo kung hanggang kailan siya sa loob ng kulungan. Ngunit sinabi ni Corazon na hindi niya iyon gagawin, dahil mahal niya si Mateo, sa kanya lamang niya naramdaman ang pag-aalaga at pagmamahal sa kabila ng lahat.

Sa isang restaurant, aksidenteng nagkatagpo sina Jackie at Eli. Si Eli ay may date, at si Jackie ay may business dinner. Parehong hindi mapakali ang dalawa, at si Jackie ay hindi maka-concentrate sa kanyang kausap kaya nagpaalam itong pupunta ng comfort room sumandali. Sinundan naman siya ni Eli, at isang mainit na halikan ang naganap sa dalawa.


Samantala, binastos naman si Onay ni Mr. Cosme, isa sa mga business partners ng kanilang kumpanya. Buti na lamang at dumating si JB at naipagtanggol niya si Onay kay Cosme.