Kapamilya Overload!

Read the transcript of episode 78 of "Iisa Pa Lamang" courtesy of Pinoy TV Junkie.

- Pag uwi nila nang bahay, sinasabi ni Scarlet kay Miguel na paano nakita ni Maggie si Isadora ganong imposible daw iyon. Inalala naman ni Miguel ang kalagayan ni Scarlet dahil sobra itong nag-aalala, baka daw makasama sa bata. Sinabi na din ni Miguel kay Scarlet na nag-usap sila ni Rafael at posibleng buhay daw ang kanyang mommy. Lalong natakot si Scarlet at paano na daw sila ni Maggie ngayon? Sabi naman ni Miguel kay Scarlet na kilala nya ang kanyang mommy, hindi nito sasaktan ang pamilya nya. Sagot naman ni Scarlet na siguro nga silang mga pamilya ni Isadora ay hindi nya sasaktan, pero sya ay siguradong sasaktan dahil galit sa kanya si Isadora. Inalo naman ni Miguel si Scarlet at sinabing pro-protektahan nya ang kanyang mag-ina, kung kinakailangan nyang mag-stay doon sa bahay ni Scarlet ay gagawin nya. Medyo nawala naman ang takot ni Scarlet.



- Si Marco naman ay sinundo nang mga tauhan nya dahil nakalaya na ito. Walang ikakaso sa kanya, isa lang (daw) kasi syang concerned citizen na gustong humili sa puganteng=fugitive si Catherine. Tinanong sya nang mga tauhan kung uuwi na sila sa bahay, pero sabi ni Marco ay hindi pa dahil marami pa syang dapat gawin, marami syang dapat singilin.

- Sa Hacienda Amadesto ay nasa garden si Sofia, malungkot at nag-iisip. Nakita sya ni Toby and he tried to cheer her up. Nalulungkot si Sofia dahil she grew up there at lahat nang memories nya doon ay kasama ang kanyang ina. Sabi naman ni Toby na isipin nalang daw ni Sofia na nandoon ang mommy nya. Naiiyak parin si Sofia at sinabi na iyon din nga ang feeling nya, na parang binabantayan sya nang mommy nya. Niyaya nalang ni Toby na i-ikot sila ni Sofia (with their friends) sa kanilang hacienda.

- Si Scarlet at Catherine naman ay nag-uusap. Pinupuri ni Scarlet si Catherine dahil pinaganda nito ang hacienda at masaya sya dahil pumunta sya doon. Si Catherine naman ay nagpasalamat kay Scarlet dahil sa sinabi/statement nito, kaya sya na-absuwelto. Sabi naman ni Scarlet na sya dapat ang magsorry kay Catherine dahil sa dinami-dami nang pinagdaanan nilang dalawa, nagawa parin syang tulungan nung muntik na syang makunan, utang daw nya kay Catherine ang buhay nang anak nya at hindi daw nya alam kung paano nya mababayaran si Catherine. Sagot naman ni Catherine ay ang bigyan sya ni Scarlet na maging magkaibigan sila, ang makapagsimula silang muli – iyon lang. Bahagyang ngumiti si Scarlet at sinabi kay Catherine na meron syang dapat malaman. Nilabas ni Scarlet ang note nang huling bilin ni Martin, sinabi nya kay Catherine na ginawa daw iyon nang kanyang Papa sa ospital pagkatapos nitong maaksidente. Halos maiyak-iyak si Catherine, hindi nya inabot ang papel kay Scarlet pero tinanong nya kung ano ang nilalaman nun. Binasa ni Scarlet ang sulat: “Catherine, I believe you. Pinagsisisihan ko ang mga sinabi ko sa phone video. You’re still my wife. – Martin” Naiyak si Catherine, inabot ang papel at binasa nyang muli. Masaya si Catherine dahil napatawad din pala sya ni Martin, nagpasalamat sya kay Scarlet. Nagsorry si Scarlet kay Catherine at sinabi nya na matagal nang nasa kanya ang sulat na iyon pero tinago nya iyon kay Catherine dahil sa sobrang galit nya dito. Sabi naman ni Catherine na naiintindihan nya si Scarlet dahil sobra din naman ang pinagdaanan nilang dalawa. Nakangiting sinabi ni Scarlet na pwede nang kunin ulit ni Catherine ang lahat nang iniwan nang kanyang Papa sa kanya. Tumanggi si Catherine at katulad daw nang sinabi nya dati, hindi sya maghahabol sa pera nila dahil pera iyon ni Scarlet dahil sya ang anak ni Martin, sya ang rightful heir. Sabi naman ni Scarlet na pinakasalan si Catherine nang kanyang Papa at asawa parin sya nito, kaya merong karapatan si Catherine doon. Sagot naman ni Catherine na masaya na sya kung ano ang meron sya ngayon, nalaman nya na hindi nya kailangan nang ganong kalaking pera para maging masaya. Sabi naman ni Scarlet na wala nang kailangan si Catherine, pero sagot ni Catherine na meron din syang kailangan dahil hindi perpekto ang buhay nya, pero nalaman nya na hindi mabibili nang pera ang tunay nyang kailangan, ang tunay na makakapagpaligaya sa kanya. Napag-isipan din ni Scarlet ang mga sinabi ni Catherine.

- Ipinasyal naman nila Toby at Sofia ang kanilang mga kaibigan around the hacienda. Masaya silang lahat.

- Pagkatapos nilang mag-usap, inimbitahan ni Scarlet si Catherine for a dinner on Saturday. Tinanong naman ni Catherine kung ano ang meron, sagot ni Scarlet na meron lang syang importanteng sasabihin kay Catherine. Tanong naman ni Catherine kung ayaw sabihin sa kanya ni Scarlet ngayon? Pero ang gusto ni Scarlet ay sa saturday nalang. (Naku, kung sa sabado iyon, wala akong text update. Joke lang, hihihi. – Ara) Papaalis na sila Catherine nang biglang may narinig silang putukan, may nagpaputok nang baril. Takot na takot sila Scarlet at Catherine.

- (Next scene) Dumating ang mga pulis (nandoon din si Miguel) at tinanong sila Catherine kung nakilala nila ang gumawa nun. Sabi naman ni Catherine na mabilis ang mga pangyayari at wala silang nakita. Nagtanong ulit ang pulis kung meron silang nakitang kakaiba, nagtaray na si Scarlet at sinabi na nilang mabilis ang pangyayari at nagkaroon nang putukan doon, paano daw nila mapapansin iyon. Inawat at inakbayan naman ni Miguel si Scarlet at sinabing ginagawa lang daw nang mga pulis ang trabaho nila, at wala din namang maibigay na information sila Catherine kaya ganon daw talaga. Sabi naman ni Catherine na wala naman silang maisip kung sino ang gustong gumawa noon sa kanila. Tinanong nang pulis kung meron daw silang naisip kung sino ang pwedeng magtangka sa kanila. Naisip naman bigla ni Miguel si Marco. Nagtaka naman si Catherine dahil nakakulong na si Marco, sinabi ni Miguel na napiyansahan na si Marco at malaya na ito, posibleng sya ang may gawa nun. Si Scarlet naman ay sinabi kay Catherine na paano kung hindi pa patay si Isadora? Nakaramdam nang takot si Catherine.

- Pinuntahan ni Miguel si Marco sa resthouse nito. Nang makita sya ni Marco, halos mawalan ito nang ganang kumain at sinabing ang lakas daw nang loob magpakita ni Miguel sa kanya, pagkatapos daw syang pagtangkaan at ipakulong, nakuha pa daw nitong humarap sa kanya. Sagot naman ni Miguel na kung matatandaan daw ni Marco, nananahimik sila ni Catherine, sya ang sumugod sa kanila. Sabi naman ni Marco na may punto doon si Miguel pero malaki parin ang atraso ni Miguel sa kanya. Kinuha ni Marco ang baril nang isa nyang tauhan at tinanong si Miguel na kung barilin nya kaya ito sa kinatatayuan nya. Hindi naman natakot si Miguel at sinabing subukan lang daw ni Marco, marami daw nakakaalam na pumunta sya doon at kapag may nangyari sa kanya, si Marco lang ang ituturo na pumatay sa kanya. Tumawa si Marco at sinabing tuso talaga si Miguel, manang-mana daw ito sa ina. Tinanong ni Marco kung ano ang kailangan sa kanya ni Miguel. Sinabi ni Miguel na pinagtangkaan na naman ni Marco ang buhay ni Catherine. Nagulat si Marco at sinabing nananahimik sya doon. Sabi naman ni Miguel na sya lang naman ang gagawa nun. Sagot naman ni Marco kung gusto nyang gawin iyon, dapat ay nakaburol na ngayon si Catherine. Nagtaka naman at huwag daw sabihin ni Marco na wala syang kinalaman doon? Biglang iniba ni Marco ang usapan at kinamusta ang ama ni Miguel, balita daw nya kasi ay nawawala ito. Tinanong ni Marco kung kino-contact ni Vernon si Miguel. Sabi ni Miguel ay hindi. Ipinasabi nalang ni Marco kay Miguel na malaki ang atraso ni Vernon sa kanya, nilimas daw nito ang lahat nang alahas at pera sa safe nya, hindi sya papayag na ninakawan sya. Sabihin din daw ni Miguel kay Vernon na maniningil sya. Hindi kumibo si Miguel at umalis nalang.

- Sa bahay naman nila Catherine, kausap nya si Louella at sinabi nya na tumawag sa kanya si Miguel at hindi daw si Marco ang nagtangka sa kanya. Kinabahan naman si Louella at hindi nya alam kung totoo iyon. Maski si Catherine ay naguguluhan din, sabi pa nya na sinubukan nga syang dukutin ni Marco dati pero dahil iyon sa pera/reward money. Ano naman daw ang motibo nito, nilagay nya ang pera ni Marco sa Dela Rhea Foods para maging malaking investment, at wala daw syang makitang dahilan para ipapatay sya ni Marco dahil mas kailangan sya nito nang buhay kesa patay. Si Louella naman ay hindi parin maisip kung sino pa ang natitira, ganong ok na sila ni Scarlet at Estelle. Sabi naman ni Catherine may isa pa – si Vernon. Siguro daw ay gumaganti ito sa kanya dahil sa pagkamatay ni Isadora.

- (Next scene) Nag-aayos si Catherine dahil aalis ito. Sinabi nya kina Sofia na magkikita sila ni Scarlet. (Ah, sabado na pala sa kanila, hihihi. – Ara) Inalala naman ni Sofia ang nag-threat sa buhay ni Catherine. Sabi naman ni Catherine na kung talagan gusto syang patayin, kahit doon sa loob nang bahay nila ay kayang-kaya syang patayin. Nagalit naman si Louella at pinababawi kay Catherine ang sinabi, mag knock on wood daw sila. Inexplain naman ni Catherine na ayaw nyang maging preso sa sarili nyang pamamahay at higit sa lahat ay ayaw nyang mabuhay na punong-puno nang takot. Pinag-iingat nalang ni Sofia ang kapatid. Sabi naman ni Catherine na huwag silang mag-alala, nagpromise pa ito.

- Nagkita sila Catherine, Rafael at Scarlet sa dating mansion nila Isadora sa hacienda. (Teka, kanino na ang mansion na ito? – Ara)

Scarlet: Meron akong gustong sabihin sa inyong dalawa. Hindi ko nga din alam kung bakit ko pa pinatagal ito nang ganito eh. Napakarami kong ginawang mali sa buhay ko na hindi ko iyon kayang ipagmalaki.

Catherine: Scarlet, diba napag-usapan na natin ito?

Scarlet: Hindi pwedeng ganon-ganon nalang iyon Catherine. (Rafael is just listening.) Masyado tayong nagpadala sa galit natin sa isa’t isa dati. Sa sobrang galit natin noon, lahat gagawin natin para masaktan lang natin ang isa’t isa. Nag-isip ako nang paraan kung paano kita masasaktan nang sobra-sobra. Inisip ko, kapag inagaw ko sa iyo si Rafael, sigurado akong masasaktan kita dahil masisira ko ang relasyon nyong dalawa. Pero hindi, hindi naman ako nagtagumpay, hindi ba? Catherine, hindi ko maagaw sa iyo si Rafael dahil ikaw lang ang mahal nya. Nakakatawa, dahil ginawa ko na ang lahat, lahat ginawa ko na – blinackmail ko na si Rafael, pero walang kwenta. Rafael, kaya ka hiniwalayan ni Catherine ay para protektahan ang pangalan mo at ayaw nyang madungisan ang pangalan mo. (Scarlet took out a brown envelope.) Eto, hindi ko na kailangan ito. (She left it on top of the coffee table.) Sa inyo na yan. Simula ngayon, Catherine, hindi ko na gagamitin yan laban kay Rafael. Ipinapangako ko, hinding-hindi ko na kayo hahadlangan. I’m sorry. I’m very sorry for all the troubles that I’ve caused. And for the record…hindi si Rafael ang ama nang dinadala kong bata. Catherine, wala talagang nangyari sa amin nung gabing iyon. I’m sorry…

Rafael: Catherine, gusto mo bang magsalita?

Catherine: (teary eyed) Anong gusto mong sabihin ko?

Rafael: (took her hand) Hindi ka ba natutuwa? Hindi ako ang ama nang anak ni Scarlet.

Catherine: (crying) Kahit naman noon…hindi ko alam o kahit na may nangyari sa inyo ni Scarlet, napatawad na kita. Kahit alam ko yung consequences, handa kong tanggapin ang bata. (Scarlet was touched and starts to cry.) Ginamit ko ang pagbubuntis ni Scarlet para lang…makipaghiwalay sa iyo, dahil ayoko ngang madungisan ang pangalan mo. (Sobs) pero noon pa man, napatawad na kita. At handang handa na akong tanggapin ang batang yan sa pamilya namin. (Catherine leaned on Rafael. Scarlet felt good.)

Rafael: Uhm, Scarlet, by the way, huwag mong kakalimutang magpunta sa kasal namin. (Rafael kissed Catherine on her lips. Scarlet is so happy for them.)

- (Next scene) Masayang masaya sila Toby, Sofia, Estelle at Rafael sa bahay nila.

- (Next scene) Araw na nang kasal nila Catherine at Rafael. Motiff nila ay red and yellow-orange (yun ang tingin ko. – Ara) Maganda si Catherine sa kanyang simple but elegant gown. Maiyak-iyak si Sofia sa tuwa. Masaya din sina Estelle and Scarlet for Catherine and Rafael. Naglalakad na sa aisle si Catherine, nandoon si Miguel malapit sa may altar, waiting for her…biglang lumabas si Rafael. Bestman lang si Miguel. (Si Catherine naman ay parang gustong malito. Ito lang ang observation ko ha. Teka, ano ba ito, panaginip lang? – Ara)

Teasers:

- Natutulog si Scarlet sa kanyang kwarto at bigla itong naalimpungatan. Kinakabahan sya kaya nya kinuha ang baril na nasa ilalim lang nang kanyang unan. Tinawagan nya agad si Miguel. Nag-alala naman si Miguel kay Scarlet. Hindi pa tapos ang kanilang pag-uusap, parang may nangyari na kay Scarlet.

- Naglalakad si Sofia at may isang kotseng pumarada. Akala ni Sofia ay iyon ang bagong kotse nang kanyang Kuya. Paglapit nya, nagulat sya sa nakita kung sino ang sakay nang kotseng iyon.