Kapamilya Overload!

Kung sina Mike, Andrew at Rose ay larawan ng isang magandang pamilya, halos kabaligtaran naman ang kina Gillian.

Hindi naman nakalimot si Mark kay Gillian. Lagi niya itong dinadalaw, lalo na ngayong nasa ibang bansa si Andrew. Natutuwa naman si Gillian sa suportang ibinigiyan ni Mark.

Patuloy pa rin ang buhay ni Gillian kasama ang kanyang pamilya. Todo ang alagang ibinibigay niya kay Patria.

Matapos ang ilang linggo, dumating na ang test result ng DNA testing nila, at dito napatunayan nilang hindi nga nila anak si Andrew. Labis ang lungkot at hinagpis ng dalawa lalo na si Rose.

Pagkabalik nila ng Pilipinas ay may ibinigay na regalo itong si Rose kay Andrew. Para ito kay Gillian, dahil alam na niyang gustong makita ni Andrew ang dalaga. Dali-dali namang pinuntahan ng binata ang bahay nila Gillian.

Hindi naging handa si Andrew sa kanyang makikita. Nakita niya si Gillian at Mark na magkasama, at nagnakaw pa ng halik itong si Mark sa dalaga. Nasaktan ng husto si Andrew at dali-daling umalis. Nakasalubong niya si Tina at sa kanya na lang ipinaabot ang regalong dala.

Hindi naman natuwa si Gillian sa paghalik ni Mark. Nagtataka din ang dalaga sa nadadalas na pagdalaw ng binata.

Isang araw ay may tinatawagang abogado itong si Mike. Nakikinig naman sa may hagdanan si Andrew. At may narinig itong usapan tungkol sa pagsampa ng kaso, tungkol sa kidnapping, tungkol sa DNA test result, at pagkuha sa isang babae. Narinig ni Andrew sa usapan ng mag-asawa kung nasaan ang test result, kaya pinuntahan niya ito kaagad. Nagulat siya sa nakita. Bigla itong umalis dala ang resulta. Pinuntahan nito si Gillian at sinabing may mahalaga silang dapat pag-usapan. Ngunit sa darating itong si Bernardo kaya dali-dali silang umalis.

Samantala nakalaya na si Ysay mula sa kulungan. Galit naman si Ysay at sinabing kapag napatunayan niyang si Victoria ang nasa likod ng kanilang mga sinapit ay pagbabayarin daw niya ito.

Nakatapos na ng OJT itong si Jordan sa kumpanya nila Lima. Binigyan pa nga ito ni Lima ng flat 1 sa evaluation, at tinanggal pa ang nakasuntukan ni Jordan. Pero may ibang plano pala itong si Jordan. Sa pamamagitan ng isang empleyado sa loob, ay pinag-acting niya ito na iniwanan ni Jordan. Napansin naman ni Lima ang umaarteng babae, at dito niya narinig na aalis daw si Jordan papuntang ibang bansa. Naapektuhan si Lima sa balitang iyon at tumakbo sa fire exit.

Sa fire exit naman ay kumakain ng tanghalian si Reno nang makita niya si Lima na umiiyak. Inalok niya ito ng panyo, ngunit tumakbo ang dalaga papalayo.

Habang abala naman sina Ysay, Alex at tsang sa paggagawa ng tocino ay may isang lalaking nagwawala sa labas. Nalason daw ang asawa niya sa tocinong binili kina Ysay. Pinuntahan nila Ysay ang bahay ng lalaking nagrereklamo at nakita niya ang babaeng bumubula ang bibig. Dadalhin na sana nila ito sa ospital nang pumasok ang anak nila upang manghingi pa ng tocino. Dito nabuko ang acting ng mag-asawa at galit na pinapaamin sila ni Ysay kung sino ang may pakana nito. Ngunit hindi kilala ng mag-asawa kung sino iyon, basta binayaran lang daw sila upang siraan ang tinda ni Ysay.

Kinumusta ni Victoria ang mayor ng bayan na tinutuluyan nila Ysay. Sabi ni Mayor ay siya na raw ang bahala kay Ysay. Magkakaroon ng handaan sa bayan at imbitado si Victoria.

Nabalitaan naman ni Ysay ang celebrasyon sa kanilang bayan, at alam niyang pupunta si Victoria. Kaya naisip nitong sumama at mag-apply sa catering na maghahanda sa nasabing okasyon.