Google
 

Nag-usap ang magbestfriend na sina Andrew at Mark. Naglabas ng problema itong si Andrew, at kailangan nya ng karamay. Humingi ng dispensa si Andrew sa kasinungalingang sinabi niya noong nasa Baguio pa sila, wala naman daw iyon kay Mark. Tinanong ni Andrew si Mark kung mahal pa niya si Gillian, at kung hindi daw ba siya nagsinungaling ay baka naging sila ni Gillian. Hindi naman na ito sinagot ni Mark dahil sabi niya ay girlfriend na niya si Trish at hindi na niya dapat sagutin pa ang tanong na iyon. Sa bandang huli ay muling nagkaayos ang dalawang magkaibigan.




Si Gillian naman ay patuloy sa paglalakad. Pero may naisip siyang taong maaaring lapitan, kaya naghanap siya ng may magandang loob na magpapahiram ng cellfone. Mabuti at may nagpahiram sa kanya kaya nakausap niya ang taong pakay niya - si Carla.



Hindi naman mapakali si Bernardo dahil nga naiwan nila ang isa nilang kasamahan na nabaril. Kaya binalikan nila ito, ngunit may mga pulis nang pumunta sa pinangyarihan ng krimen kaya pasimple silang lumayo dito.




Sa desperasyon ni Bernardo ay muling pinuntahan nito ang bahay ng mga Angeles. Muling tinakot niya si Mike na babawiin si Andrew kapag hindi siya binigyan ng perang pampagamot kay Patria. Nagkakabugbugan na ang dalawa kaya naman nagpatawag ng pulis si Rose. Nang marinig ang salitang pulis ay dali-daling umalis ang dalawa.






Welcome na welcome pa din si Gillian kay Carla, ang naging kaibigan nito sa club na pinagbugawan sa kanya ng kanyang inang si Patria. Mabuti na ang kalagayan ni Carla.


Pinuntahan ni Andrew ang bahay ni Gillian sa loob ng kanilang bakuran. Wala siyang naabutang tao. Naisip niya si Carla kaya sinubukan niyang tinawagan ito, kaya habang nagkakakwentuhan ang dalawa ay nagring ang cellfone ni Carla. Iniabot ni Carla kay Gillian ang telepono nang makitang si Andrew ang tumatawag, ngunit nireject ni Gillian ang tawag.

Pinuntahan ni Andrew ang kanyang mga magulang upang ipaalam na wala si Gillian sa bahay nito. Dito umamin si Rose na napagsabihan niya ng hindi maganda si Gillian kaya ito umalis. Nagalit si Andrew sa kanyang ina, bagay na hindi nagustuhan ni Mike kaya nagalit din ito kay Andrew.




Sa kabilang banda, naabutan ni Boy na nakahandusay ang kanyang ina kaya nanghingi ito ng saklolo sa nga kapitbahay upang madala si Patria sa opsital. Nakabawi naman ng kaunti si Patria sa ospital, ngunit sinabi ng doktor kay Boy na kailangan na madialysis ang kanyang ina sa lalong madaling panahon, dahil kung hindi ay marami pang kumplikasyon ang maaaring mangyari. Naiiyak na lang si Boy dahil hindi niya alam kung saan kukuha ng P25,000 na kakailanganin para sa kanyang ina.






0 Comments:

Post a Comment




 

Kapamilya Overload | Ang Blog ng mga Kapamilya!